Kreu i Komisionit të Prokurimit Publik, Jonaid Myzyri, është paraqitur këtë të hënë në Gjykatën e Apelit të Posaçëm, ku ka ankimuar vendimin për pezullimin nga detyra.
Myzyri është marrë zyrtarisht i pandehur nga SPAK më 24 qershor, për akuzën e “shkeljes së barazisë në tendera”. Hetimi lidhet me tenderin për mirëmbajtjen e aksit rrugor Shpal–Ura e Repsit, me gjatësi 58.7 kilometra dhe një vlerë prej 2.29 milionë euro.
Vendimi për pezullimin e tij u mor nga Shkalla e Parë e Posaçme, ndërsa Apeli pritet të vendosë nëse Myzyri do të qëndrojë jashtë detyrës gjatë vijimit të procesit penal.
