Një mësues i edukimit fizik, 35 vjeç, është arrestuar nga policia në Vlorë pas denoncimit të shtatë nxënëseve të shkollës ku ai jepte mësim.
Vajzat, të moshave 14 deri në 17 vjeçe, kanë deklaruar se janë ngacmuar seksualisht prej tij. Sipas kallëzimeve, ngjarjet e dyshuara kanë ndodhur brenda ambienteve të shkollës.
Policia ka ndaluar 35-vjeçarin me inicialet A. A., banues në Vlorë.
Materialet procedurale i janë referuar Prokurorisë së Vlorës për hetime të mëtejshme.
