Një 25-vjeçar, Marget Shakaj, është plagosur me thikë mesditën e sotme në qytetin e Vlorës. Ngjarja ka ndodhur në një berberhane në zonën e njohur si Aleksandria, në lagjen Pavarësia.
Sipas burimeve policore, konflikti ka nisur me fjalë mes kursantit dhe një klienti, por ka përfunduar në dhunë fizike. Klienti, i identifikuar si Shkëmbor Skënderaj, ka goditur kursantin me thikë pranë zemrës gjatë orarit të punës dhe është larguar menjëherë nga vendngjarja. Dyshohet se konflikti mes tyre ka qenë i mëparshëm.
I plagosuri ka mbërritur në spital në gjendje të vetëdijshme dhe aktualisht ndodhet nën kujdesin e mjekëve, i nënshtrohet kontrolleve të specializuara.
Ndërkohë, policia ka vendosur perimetrin e sigurisë në vendin e ngjarjes dhe po punon për kapjen e autorit, i cili është shpallur në kërkim.
Vlorë/Informacion paraprak Sot, rreth orës 19:00, në lagjen “Isa Boletini”, në një berberhanë, dyshohet se gjatë një konflikti për motive të dobëta, shtetasi Sh. S., 24 vjeç, ka plagosur me mjet prerës (thikë) shtetasin M. Sh., 25 vjeç, i cili ndodhet në spital, jashtë rrezikut për jetën. Vijon puna për kapjen e autorit të dyshuar, i cili është shpallur në kërkim menjëherë pas ngjarjes. Grupi hetimor po vijon punën për sqarimin e plotë të rrethanave dhe dokumentimin ligjor të kësaj ngjarjeje.
