Studentët e Universitetit të Mjekësisë kanë nisur marshimin drejt Ministrisë së Arsimit në Tiranë, duke iu bashkuar protestave kundër qeverisë, të cilat këtë të martë shënojnë ditën e 15-të.
Protestuesit kanë paralajmëruar grumbullimin përpara Ministrisë së Arsimit në orën 14:00, ku pritet të vijojnë tubimin dhe të përsërisin kërkesat e tyre.
Studentët kërkojnë dorëheqjen e kryeministrit Edi Rama dhe mbajtjen e zgjedhjeve të parakohshme, ndërsa prej më shumë se dy javësh kanë organizuar protesta dhe marshime në kryeqytet.
Ndërkohë, protesta e një dite më parë u zhvillua pa incidente dhe me një pjesëmarrje më të ulët krahasuar me tubimet e mëparshme. Pavarësisht kësaj, studentët vijojnë mobilizimin për të kërkuar përmbushjen e kërkesave të tyre.
