Gjykata e Tiranës i komunikoi masën e sigurisë “arrest me burg” Eraldo Fizit, që dyshohet se shkaktoi vetëvrasjen e ish-gruas së tij, Xhuana Nikollaj.
Gjatë seancës, ai nuk ka dhënë shpjegime, duke pretenduar se ngjarja i ka shkaktuar tronditje të fortë psikologjike. Fizi është shprehur se vendosi të vetëdorëzohej dhe të përballej me pasojat. Ai ka pranuar se e ka dhunuar Xhuanën vetëm një herë, një ditë para ngjarjes, por ka mohuar të ketë ushtruar dhunë sistematike ndaj saj.
Nga hetimet rezulton se Eraldo Fizi e dhunoi Xhuana Nikollajn në një banesë që ajo kishte marrë me qira në Tiranë dhe jetonte me mikeshat e saj pas divorcit. Pak orë pas kësaj ngjarjeje, Xhuana u vetëhelmua dhe ndërroi jetë në QSUT.
Eraldo Fizi dyshohet për akuzat e shkaktimit të vetëvrasjes dhe dhunës në familje. Ai u vetëdorëzua pas më shumë se një viti e gjysmë qëndrimi në arrati.
