Një ngjarje e rëndë u shënua dje në Arrameras të Fushë-Krujës, me pasojë vdekjen e 16-vjeçarit Enes Isaku, në ambientet e restorantit të gjyshit të tij, ku ishte punësuar si kamarier.
Burime policore thanë se i mituri ndodhej në ashensorin e restorantit, që përdorej për të zbritur në katin e parë, kur kolegu i tij 26-vjeçar, Endri Stafuka, shtypi butonin e ashensorit dhe e shtyu të miturin, në formë shakaje mes miqsh.
Në këtë moment, ashensori pësoi shkëputje, ndërsa 16-vjeçari rezulton se është përplasur me kokë në pllaka, duke gjetur menjëherë vdekjen.
Pas ngjarjes, Stafuka është arrestuar nga policia nën dyshimet për veprën penale “Vrasja nga pakujdesia”, ndërsa 62-vjeçari Afrim Vathi, pronar i restorantit dhe njëherazi gjyshi i të miturit, po ashtu është vënë në pranga për “Shkelje të rregullave të mbrojtjes në punë” dhe “Fshehje të të ardhurave”.
