Tensione janë regjistruar këtë të premte para Kryesisë së Kuvendit, gjatë protestës së banorëve të Memaliajt kundër ndryshimeve të parashikuara në hartën e re territoriale.
Situata është tensionuar në momentin kur deputeti socialist Erion Braçe ka kaluar pranë protestuesve, ndërsa mes palëve ka pasur një përplasje verbale.
Gjatë incidentit, një prej protestuesve ka tentuar ta godasë Braçen me një tabelë, ndërsa një tjetër i ka hedhur ujë.
Personat e pranishëm kanë ndërhyrë mes palëve, ndërsa situata është qetësuar pak momente më vonë.
Banorët e Memaliajt kundërshtojnë propozimin që bashkia e tyre të bashkohet me Tepelenën, në kuadër të ndryshimeve të propozuara në Reformën Administrativo-Territoriale.
