Kryeministri Edi Rama është pritur me protestë nga studentë dhe aktivistë gjatë vizitës së tij në Qendrën Spitalore Universitare “Nënë Tereza” në Tiranë.
Rama ndodhej në QSUT për inaugurimin e shërbimit të ri të Kardiokirurgjisë, ndërsa një grup protestuesish u mblodh në ambientet e qendrës spitalore duke lëshuar thirrje kundër tij, mes të cilave “Arrestoni Ramën”.
Gjatë protestës ndërhyri Policia, ndërsa sipas informacioneve paraprake, një aktivist dhe një student u shoqëruan në komisariat. Mes personave të shoqëruar raportohet se ishte edhe aktivisti Markeljan Vatnikaj.
Ndërkohë, studentët kanë paralajmëruar zhvillimin e një proteste tjetër më 13 tetor përpara Ministrisë së Arsimit.
