Wednesday, 30 September 2026
Dërgo denoncim anonim
English

EKSKLUZIVE

Më shumë
Politika 30 September 2026, 17:50 Nga VNA

Reforma Territoriale/ Cërriku kundër bashkimit me Elbasanin: 7 vota kundër, vetëm 2 pro

Ndaje në Whatsapp

Këshilli Bashkiak i Cërrikut ka votuar kundër propozimit për bashkimin me Bashkinë e Elbasanit, në kuadër të reformës së re administrativo-territoriale.

Në mbledhjen e zhvilluar këtë të mërkurë, 7 këshilltarë votuan kundër bashkimit, 2 u shprehën pro, ndërsa 13 të tjerë abstenuan.

Vendimmarrja vjen pas debateve dhe kundërshtimeve të shprehura ditët e fundit për riorganizimin e propozuar territorial. Kundërshtarët argumentojnë se Cërriku duhet të vijojë të funksionojë si bashki më vete.

Një qëndrim të ngjashëm ka mbajtur edhe Këshilli Bashkiak i Belshit, i cili më 28 shtator votoi kundër bashkimit me Elbasanin dhe Cërrikun. Në atë votim, 7 këshilltarë votuan kundër, ndërsa 10 abstenuan.

Ndryshe nga Cërriku dhe Belshi, Këshilli Bashkiak i Elbasanit është shprehur në favor të riorganizimit. Më 24 shtator, këshilli dha mendimin pro propozimit që parashikon bashkimin e tri bashkive në një njësi të vetme territoriale.

Me votën e Cërrikut, dy prej bashkive të përfshira në propozimin për riorganizimin territorial, Cërriku dhe Belshi, janë shprehur kundër bashkimit, ndërsa Elbasani ka votuar pro.

Lexo gjithashtu

Video

Revoltë në burgun “Don Bosco” të Pizës. Tensionet shpërthyen pasi disa dhjetëra të dënuar pretendojnë se zbuluan mikrokamera dhe pajisje elektronike të fshehura në qeli. Ngjarja mori vëmendje të madhe pasi u transmetua LIVE nga brenda burgut në faqen e Kozakut në TikTok, ku një i dënuar shqiptar denoncoi situatën dhe tregoi pamje nga revolta. Për disa orë një repart mbeti nën kontrollin e të burgosurve, ndërsa jashtë u mobilizuan policia, karabinierët dhe policia penitenciare. Situata raportohet se është vendosur nën kontroll, ndërsa autoritetet pritet të sqarojnë rrethanat e vendosjes së pajisjeve dhe nëse ato ishin pjesë e një procedure hetimore të autorizuar.

Mediat ndërkombëtare kanë publikuar pamjet në ish-qendrën e paraburgimit të Degës 215 të Inteligjencës Ushtarake Siriane në Damask, e njohur për mbajtjen e të burgosurve politikë dhe kundërshtarëve të qeverisë së Bashar al-Assad. Objekti është lidhur prej vitesh me akuza për tortura, keqtrajtim dhe zhdukje të detyruara të të ndaluarve. Brenda qelive vazhdojnë të jenë të dukshme shkrime në gjuhën arabe dhe ruse, të lëna në muret e ambienteve të paraburgimit.

Të paktën 50 persona kanë humbur jetën dhe 58 të tjerë janë plagosur pas një sulmi ajror të ushtrisë mbi një treg në qytetin Kyauktaw, në shtetin Rakhine të Mianmarit. Ekipet e ndihmës paralajmërojnë se numri i viktimave mund të rritet, pasi disa trupa dyshohet se janë shkrumbuar nga zjarret e shkaktuara pas bombardimit. Sulmi konsiderohet ndër më vdekjeprurësit e kohëve të fundit në luftën civile të vendit. OKB-ja deklaroi se dhuna e vazhdueshme në Rakhine nuk krijon kushtet për kthimin e sigurt dhe të qëndrueshëm të refugjatëve dhe personave të zhvendosur, përfshirë Rohingya-t. Sipas të dhënave të OKB-së, afro gjysmë milioni njerëz jetojnë të zhvendosur në Rakhine si pasojë e konfliktit.

Një ngjarje sa e pazakontë, aq edhe komike, është regjistruar në një komisariat policie në Florianópolis të Brazilit. Një i arrestuar, i ndaluar nën dyshimet për dhunë në familje, arriti të kalonte përmes hapësirës së qelisë që përdorej për dhënien e ushqimit. Pasi doli, ai nuk harroi as këpucët: i mori dhe u largua nga komisariati sikur të kishte përfunduar procedurat normalisht. “Liria” megjithatë zgjati pak. Policia e kapi sërish të arratisurin, ndërsa qelia u mbyll për modifikime sigurie, me sa duket për t’u siguruar që “sporteli i ushqimit” të mos shërbejë më edhe si derë daljeje.

×
❮ ❯

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme