Gjatë diskutimeve të zhvilluara në komision mbi ndryshimet e propozuara ligjore per menaxhimin e pasurive te sekuestruara, deputeti Damian Gjiknuri, ne menyre te perseritur, ka ngritur shqetësime lidhur me procedurat e ndjekura dhe pasojat e mundshme që këto ndryshime mund të sjellin për palët e treta.
Gjiknuri u shpreh se mënyra e konceptuar e hapave dhe veprimeve përbën një pikë me rrezikshmëri, veçanërisht sa i përket dëmtimit të interesave të palëve të treta.
"Nga se si e keni menduar më duket si një hap veprimesh... po marr një lloj rasti hipotetik, sepse kjo do të thotë që e vetmja rrugë hipotetike dhe nevoja që ju keni sjellë ndryshimet ligjore është... Për mua kjo është gjëja më e re dhe më e rrezikshme. Sepse palët e treta këtu mund të dëmtohen," deklaroi Gjiknuri gjatë fjalës së tij.
Ai vijoi duke sjellë në vëmendje komplikimet që mund të lindin në realizimin dhe përfundimin e objekteve për shkak të mosmarrëveshjeve ligjore apo masave provizore nga gjykatat:
"Pra unë si porositës... objekti s'do të përfundojë për shkak të konflikteve të mundshme që mund të lindin nga palët e treta. Si garantohen ato? Sepse dhe pa përfunduar konfliktet ka palë të treta prej meje që mund të merren masa provizore nga gjykata... të veprohej me një zi të tillë," theksoi ai.
Në përmbyllje të ndërhyrjes së tij, deputeti kërkoi sqarime më të detajuara dhe një përshkrim të qartë të të gjithë procesit ligjor e funksional (business process):
"Për të shpronësuar... shërbimet apo punët civile apo shërbimet e objekteve të tjera, do të ishte fantastike. Më shumë do të doja një kështu, një lloj përshkrimi, pra description, atë që quhet business process, pra si do të shkojë ky proces. Pra, sa është e përgjegjshme dhe si adresohet ky ligj dhe si adresohet..." u shpreh Gjiknuri.
