Jorida Tabaku dhe Belind Këlliçi i kanë çuar në zyrë Sali Berishës Drejtorin për Marrëdhëniet me Jashtë të Partisë Popullore Europiane, Patrick Voller.
Kryetari i PD nuk ka hezituar ta postojë si të suksesshëm takimin me zyrtarin e PPE, ndërsa është treguar i kujdesshëm që në foto të mos identifikohen Tabaku dhe Këlliçi.
Këta të fundit duket se po shfrytëzojnë gjithë lidhjet e tyre politike me ndërkombëtarët për t’i ofruar Berishës takimet e munguara me përfaqësues të huaj. Epo, tani që pritet të zyrtarizohen postet në grupin parlamentar të PD, çdo përpjekje për t’u dukur në sytë e kryetarit do të vlerësohet për të kapur ndonjë post. Dhe ndoshta shpresa vdes e fundit në karrierat e ish-bashkëpunëtorëve të ngushtë të Lulzim Bashës, që sot nuk duken të jenë të mirëpritur në oborrin politik të Sali Berishës.
