Dhe kjo jo rastësisht, pasi hipokrizia e qeverisë dhe kreut të saj nuk ka kufi. Vetëm një ditë pasi banesat në Theth u shembën me tritol nga IKMT, me pretendimin se mungonte leja ndërtimore, kryeministri Edi Rama ka publikuar thirrjen për "Paketën e maleve" ku fton qytetarët të ndërtojnë... në mal.
Në një postim në rrjetin social Facebook, Rama ka prezantuar "paketën e maleve", duke e cilësuar si një “histori frymëzuese”. Ai ka publikuar një hartë ku sipas tij, “në vetëm 5 ditë numërohen 787 aplikantë”.
Sipas njoftimit, të gjithë emigrantët por edhe qytetarët brenda vendit, ftohen të aplikojnë për të ndërtuar në malësitë shqiptare bujtina, agroturizëm, hotele malore, ferma apo linja agropërpunimi. Premtimi i Ramës thotë se përfituesit do kenë leje ndërtimi, mbështetje nga qeveria dhe kredi të buta nga Banka e Shqipërisë.
Një thirrje plot hipokrizi dhe djallëzi ardhur nga i njëjti njeri që hodhi tritol mbi banesa tradicionale në Theth, sot kërkon “legalizojë” ndërtimet, përmes skemave të reja dhe financimeve publike.
Kur promovohet kaq shumë "Paketa e maleve" pse u shemb Thethi, apo për t'u ndërtuar më pas me kredi bankare dhe me bekimin e qeverisë?
