Nuk ka dalë të bëjë detyrën siç parashikon ligji por të paralajmërojë për prishjen e godinave që janë ndërtuar kur ajo ishte drejtoreshë.
Sot në krye të IKMT-së, Dallëndyshe Bici shfaqet si "shpëtimtarja" e hapsirave publike. Ndërkohë që janë ndërtime të bëra në kohën kur ajo drejtonte. Kuptohet se gjithë ky zell vjen pas urdhrit të Ramës i cili deklaroi se objektet me shkelje të lejes së ndërtimit, sipas rastit e nevojës do të shemben apo konfiskohen nga shteti për funksione publike.
Madje, kreu i qeverisë ndërsa paralajmëroi ndjekje penale ndaj punonjësve të bashkive që lejojnë ndërtimet pa leje.
Sot në Vlorë, Dallëndyshja, ndryshe nga drejtuesit e lartë të bashkisë dhe institucioneve duket se nuk ka ndërmend të japë dorëheqjen… sepse Dallëndryshja fluturon në qiellin e oborrit kryeministror dhe folenë e ka pranë fronit të shefit të madh.
Por ky zell i madh i Dallëndyshes i ka sjellë edhe gafa të mëdha. Pasi nga pallati ku doli për të dhënë deklaratën Dallëndyshe Bici tha se pallati do konfiskohet. Asnjë institucion nuk mund të kryejë konfiskim pa vendim gjykata. Maksimumi i vendimarrjes së institucioneve shtetërore kur gjejnë objekt në shkelje apo tejkalim të lejes është sekuestrim.
Kjo deklaratë e drejtores së IKMT -së, mund t'i kushtojë shtetit vendime gjyqësore të cilat rëndojnë buxhetin e shtetit, me dëmshpërblime të majme në favor të pronarëve.
