Liverpool po përgatit një revolucion të madh veror dhe dy nga emrat që mund të largohen kanë përfunduar në radarët e klubeve italiane. Sipas raportimeve të SportMediaset, Juventus po ndjek me vëmendje portierin brazilian Alisson Becker, ndërsa Inter Milan ka vënë në shënjestër mesfushorin anglez Curtis Jones.
Drejtuesi bardhezi Damien Comolli po kërkon të forcojë repartin defensiv dhe eksperienca e Alisson shihet si një mundësi ideale për projektin e ri të Juventusit. Nga ana tjetër, presidenti zikaltër Giuseppe Marotta po vlerëson profilin e Jones si një përforcim cilësor për mesin e fushës.
Reds duket se janë të gatshëm të hapin negociatat në verë, ndërsa Serie A mund të bëhet destinacioni i radhës për dy yjet e klubit anglez.
