Mesfushori shqiptar Kristjan Asllani nuk ka arritur të bindë plotësisht drejtuesit e Beşiktaş JK për të aktivizuar blerjen përfundimtare të kartonit të tij.
I huazuar nga Inter Milan gjatë merkatos së janarit, Asllani nuk ka përmbushur pritshmëritë e klubit turk, i cili tashmë po rishikon planet për të ardhmen e tij.
Sipas raportimeve, drejtuesit e Beşiktaşit janë të gatshëm ta mbajnë mesfushorin, por vetëm nëse arrihet një marrëveshje më e favorshme ekonomike me klubin italian. Interi kërkon rreth 11 milionë euro për kartonin e lojtarit, ndërsa turqit nuk janë të gatshëm të ofrojnë më shumë se 5-6 milionë euro.
Në këto kushte, ulja e çmimit mbetet faktori kyç për finalizimin e transferimit. Në të kundërt, palët pritet të ndahen në fund të sezonit.
Kjo situatë shihet si një tjetër sinjal për Asllanin, i cili mund të detyrohet të kërkojë një aventurë të re për të ringritur karrierën e tij.
