Goditja e katër grupeve kriminale ndërkombëtare që trafikonte drogë, kokainë, amfetaminë dhe ekstazi nga Shqipëria drejt vendeve të Europës ka nxjerrë në pah fakte tronditëse. Nga njoftimi për mediat, SPAK bëri me dije se ka arrestuar 11 persona si dhe sekuestruar para, makina, celularë e prova të shumta që lidhen me trafikun e këtyre lëndëve. Nga Prokuroria u mësua gjithashtu se pjesë e grupit është edhe një mësues Historie që drejtonte njërin prej grupit të trafikantëve.
Qëndresa Qytetare përmes një reagimi publik ka kërkuar një interpelancë urgjente me ministren e Arsimit, Ogerta Manastirliu para Komisionit të Edukimit në Parlament.
Duke sjellë në kujtesë rastin e pak viteve më parë, ku Drejtori i Shkollës artistike në Durrës Jan Kukuzeli u shpall në kërkim si pjesë e një grupi ku ishte spaçator droge, teksa sot ku SPAK publikoi detajet nga operacioni i kryer me autoritetet finlandeze u njoftua se një nga krerët e grupeve që kishte dërguar sasi të mëdha droge në Finlandë ishte mësues historie.
"Kjo është në kufijtë e një skandali para të cilit MAS, ka detyrimin ligjor të bëjë transparencë, pasi është nëse kjo do kishte ndodhur në çdo vend të Evropës, sot Ministrja e Arsimit do kishte dhënë dorëheqjen.
Qëndresa Qytetare kërkon nga Ministria e Arsimit të japë sqarime, prej sa vitesh ka qenë i punësuar ky person, a janë bërë verifikime nëse ka qenë i dënuar jashtë vendit dhe SPAK duhet të bëjë më shumë transparencë.
Në fund, reagimin e tyre, Qendresa e mbyllin duke deklaruar se shqiptarët t'i lënë fëmijët në mëshirë të arsimtarëve trafikantë.
