Procesi i rinumërimit të votave në qarkun e Tiranës ka avancuar deri më tani me hapjen e 939 kutive nga 1207 gjithsej, që përbën rreth 77.7% të totalit. Ky proces është zhvilluar nën një metodologji më rigoroze krahasuar me atë të përdorur më 11 maj.
Ekipi i caktuar nga KQZ ka respektuar në mënyrë të përpiktë rregullat e Kodit Zgjedhor, duke njohur si të vlefshme vetëm ato fletë ku shenja e votimit ndodhet brenda kutisë përkatëse, pa lejuar interpretim të mëtejshëm.
Nga ky rinumërim, Partia Demokratike rezulton të ketë humbur 502 vota, duke e bërë të pamundur sigurimin e mandatit të 14-të në Tiranë. Ndërkohë, partia Mundësia ka humbur vetëm 53 vota, çka ka forcuar pozitat e saj për të ruajtur mandatin e dytë.
Vëmendje ka tërhequr edhe gara e brendshme në radhët e Partisë Socialiste mes Olta Xhaçkës dhe Blerina Gjylametit, ku diferenca është ngushtuar në favor të kësaj të fundit, por aktualisht mandati mbetet ende në dorë të Xhaçkës.
Nga të dhënat paraprake bie në sy se ministri i Brendshëm, Ervin Hoxha, rezulton të ketë përfituar më shumë vota të pamerituara krahasuar me të tjerët. Pas tij renditen deputetët Fatmir Xhafaj, Erion Braçe dhe Xhemal Qefalia. Ndër gratë, më së shumti vota të kontestuara i janë gjetur Kejsi Elezit, më e reja në listë. Ndërsa kandidati më i penalizuar deri tani është Etjen Xhafaj, të cilit i janë zbritur 51 vota.
Votat e pamerituara ne 11 maj:
- Ervin Hoxha 259
2. Fatmir Xhafaj 165
3. Erion Braçe 160
4. Xhemal Qefalia 127
5. Kejsi Elezi 117
6. Blendi Gonxhja 110
7. Roy Bashaj 101
8. Klotilda Bushka 93
9. Anila Denaj 85
10. Toni Gogu 83
11. Etilda Gjonaj 61
12. Ermonela Felaj (Valikaj) 55
13. Ornaldo Rakipi 51
14. Arben Pëllumbi 45
15. Ylli Shehu 44
16. Pandeli Majko 38
17. Sofika Lleshi 35
18. Olta Xhaçka 33
19. Halil Koloshi 33
20. Florian Pullazi 27
21. Silda Çepe 25
22. Julinda Dhame 23
23. Blendi Sulaj 19
24. Mirgit Vataj 17
25. Endrit Braimllari 16
26. Edlira Dyrmishaj 15
27. Halit Valteri 11
28. Mimi Kodheli 8
29. Andi Seferi 6
30. Persida Shkrepa 2
31. Eldian Çepeli 1
32. Antonela Dedej -1
33. Glindxhet Madhi -4
34. Plarent Ndreca -7
35. Entela Ramosaçaj -7
36. Blerina Gjylameti -10
37. Etjen Xhafaj -51
