Kryeministri Edi Rama ka bërë një koment ironik ndaj deputetes Marjana Koçeku, e cila është larguar nga Partia Socialiste dhe do të vijojë mandatin në Kuvend si deputete e pavarur.
Gjatë fjalës së tij në mbledhjen e zgjeruar të Grupit Parlamentar të PS, Rama përdori një metaforë të drejtpërdrejtë për të përshkruar ish-bashkëpunëtorët politikë, duke thënë se “ata që e kanë ‘kalëruar’ këtë parti sa kanë mundur, pasi kanë rënë nga ‘kali’ kanë filluar ta godasin me këpucët që i blenë duke qenë ende sipër tij”.
Në vijim të fjalës së tij, Rama shtoi se bëhet fjalë për “një grumbullim të madh elementësh të ndryshëm që nuk kanë lidhje organike me njëri-tjetrin, por që janë bashkuar në një moment të vetëm politik”, duke iu referuar zhvillimeve dhe largimeve të fundit brenda radhëve të Partisë Socialiste.
