Paris Saint-Germain po përgatit një ofertë prej 40 milionë eurosh për mbrojtësin e Barcelonës, Alejandro Balde, me Luis Enriquen që kërkon ta transferojë në Paris.
Sipas mediumit spanjoll “El Nacional”, trajneri i PSG-së e sheh Balden si një alternativë për Nuno Mendes në krahun e majtë dhe dëshiron ta ketë në dispozicion për të rritur alternativat në atë pozicion.
E ardhmja e Baldes në Barcelonë mund të marrë një kthesë gjatë merkatos së janarit. Mbrojtësi nuk ka pasur gjithmonë minuta të rregullta, një situatë që mund ta shtyjë klubin katalanas të shqyrtojë ofertat për të.
PSG, ndërkohë, po kërkon të forcojë krahun e majtë dhe Balde është një prej emrave që ka tërhequr vëmendjen e klubit francez. Oferta e raportuar prej 40 milionë eurosh pritet të vendosë Barcelonën përpara një vendimi, ndërsa mbetet për t’u parë nëse drejtuesit katalanas do të ishin të gatshëm të ndaheshin me mbrojtësin spanjoll.
Nëse transferimi do të realizohej, Balde do të rikthehej nën urdhrat e Luis Enriques, me të cilin mund të punojë në Paris në një rol të rëndësishëm në krahun e majtë.
