Edi Rama ka gjetur sot kohën të zëvendësojë Erion Veliajn edhe në Bashkinë e Tiranës. Kryeministri dhe kryetarja e deleguar e Bashkisë së Tiranës, Anuela Ristani, inspektuan kantierin e punimeve në shkollën “Edith Durham”, godina e 48-të arsimore e Tiranës Europiane, që do të ketë kushte dhe standarde bashkëkohore.
Kryeministri Rama tha se në objektin e shkollës po bëhet një punë fantastike.
Sigurisht që Erion Veliaj nuk u përmend në asnjë fjalë, as nga Edi Rama dhe as nga zëvendësja e tij, Anuela Ristani. Mesa duket, pas partisë, tashmë kryetari në detyrë i Bashkisë së Tiranës është shpallur “non grata” edhe në institucionin që, të paktën zyrtarisht, e drejton ende. Me gjasë dhe me shenjat e dukshme, kjo nuk do të zgjasë shumë.
