Ish-drejtoresha e filialit të Postës Shqiptare në Durrës, Elisabeta Mataj, është liruar nga qelia dhe, me vendim të Gjykatës së Durrësit, është dërguar në masën e sigurisë “arrest në shtëpi”.
Ajo është nën hetim për vjedhjen e dyshuar të afro 69 milionë lekëve të rinj, fonde të destinuara për pensionet në degët e Postës në Shijak dhe Krujë.
Elisabeta Mataj, së bashku me ish-shefen e Financës, Valbona Duni, dhe arkëtaren Paola Dana, dy të fundit të lëna në masën “arrest në shtëpi” që në fillim, dyshohen për vjedhjen e shumës së konsiderueshme të parave.
