Ish kryetarja e Kuvendit, Elisa Spiropali, nuk ishte e pranishme këtë të shtunë në mbledhjen e Grupit Parlamentar të Partisë Socialiste dhe kabinetit qeveritar, të zhvilluar në Pallatin e Brigadave.
Mungesa e saj e çon në dy numrin e deputeteve që nuk morën pjesë në mbledhje, së bashku me Marjana Koçekun, e cila tashmë është larguar nga grupi parlamentar socialist.
Ish-ministre e Jashtme dhe për vite me radhë një nga bashkëpunëtoret më të afërta të Edi Ramës, Spiropali ka pasur kohët e fundit përplasje me kryeministrin, si në distancë ashtu edhe në mbledhjet e grupit parlamentar. Në një nga takimet e fundit, Rama e paralajmëroi se po i afrohej “vijës së kuqe”.
Megjithatë, deri tani Spiropali nuk ka ndërmarrë asnjë hap për t’u shkëputur nga shumica. Në seancën plenare të së enjtes ajo ishte e pranishme në Kuvend dhe votoi në përputhje me vendimin e grupit parlamentar socialist.
Deri tani nuk ka pasur asnjë shpjegim zyrtar për mungesën e saj në mbledhjen maratonë të socialistëve në Pallatin e Brigadave.
