Albin Kurti arriti të fitojë zgjedhjet, por nuk siguroi shumicën për të formuar qeverinë Kurti 3, pasi nuk arriti të marrë mbi 50% të votave. Kurti kishte gjithçka të shtunën, por humbi gjithçka të dielën. Pas shpalljes së rezultateve, ai ofendoi opozitën, duke i quajtur “hajvana”.
Nga ana tjetër, opozita ka numrat për të formuar qeverinë, por ka deklaruar se kjo e drejtë i takon partisë që ka dalë e para në zgjedhje. Në këtë situatë, Kosova rrezikon të hyjë në një krizë institucionale, sidomos për zgjedhjen e Presidentit vitin e ardhshëm, për të cilën duhen 81 vota që askush nuk i ka aktualisht.
Një fakt tjetër që vihet re është se administrata Trump nuk e shihte me sy të mirë Albin Kurtin si kryeministër. Pyetja që shtrohet tani është: A do të vazhdojë Kosova me Kurtin si kryeministër, por e izoluar ndërkombëtarisht, apo do të zgjedhë një kryeministër tjetër me më pak fuqi në vend, por të dëshiruar në arenën ndërkombëtare?
