Komisioni i Ankimimeve dhe Sanksioneve vendosi sot (7 korrik) me shumicë votash rrëzimin e kërkesës ankimore të PD-ASHM për shpalljen e pavlefshmërisë së zgjedhjeve të zhvilluara në datën 11 maj në qarkun Elbasan, Fier, Durrës e Tiranë si të pambështetur në ligj dhe në provë.
Kujtojmë se Partia Demokratike i ka cilësuar zgjedhjet e 11 Majit si ‘farsë elektorale’.
Kreu i PD-së, Sali Berisha, është shprehur se PD nuk do t’i njohë zgjedhjet e 11 Majit, teksa ka bërë kërkesë për shpalljen e pavlefshme të zgjedhjeve, kërkesë e cila u rrëzua nga KAS.
Javën e kaluar përfundoi gjithashtu rinumërimi i votave për qarqe në disa qarqe, si Tirana dhe Fieri, por pa ndryshime në rezultatin e 11 majit.
