Gjatë përballjes në Gjykatën e Apelit të Posaçëm ku kërkoi ndryshimin e masës së sigururisë “arrëst me burg”, ish-zyrtari i lartë i Policisë së Shtetit Ulian SHpataraku, i cili u arrestua teksa shoqëronte në arrati të shumëkërkuarin Erguys Agasi, paraqiti dy argumenta që lidheshin kryesisht me familjen e tij.
Përmes një raporti mjekësor të lëshuar nga spital Amerikan, ai tentoi të bindë gjykatën se mbajtja në burg e tij do të sillte pasoja të rënda të familja, pasi gruaja është e sëmurë dhe rrit e vetme tre fëmijë të mitur.
“Shpataraku është babai i tre fëmijëve të mitur dhe bashkëshortja e tij është e sëmurë dhe është e pamundur të përkujdeset për to e vetme, duke sjellë masa e sigurimit “arrest në burg” sakaq tek kjo familje pasoja të rënda, vërtetuar këto edhe nga Raporti Mjekësor date 28.08.2026 lëshuar nga Spitali Amerikan”, theksuan avokatët e ish-zyrtarit të policisë.
Në vijim, avokatët i thanë gjykatës së Shpataraku nuk ka asnjë mundësi të ndikojë tek provat, përderisa janë administruar nga SPAK, ndërsa u ndalën sërish tek ai dhe familja duke theksuar se kanë sjellje shembullore në komunitet.
“Shpataraku është oficer i lartë në Policinë e Shtetit dhe ka karrierë të gjatë në polici. Ai dhe familja etij ka sjellje shembullore në komunitet, duke patur parasysh edhe vërtetimin e datës 28.08.2026 e Njësisë Administrative nr. 5 Tiranë”, argumentuan mbrojtësit ligjorë.
Por gjykata i rrëzoi argumentat e tyre, sikurse edhe kërkesat për dërgimin e çështjes për kompetencë në prokurorinë e Durrësit.
Shpataraku vijon të qëndrojë në qeli sikurse Fation Kalluçi, ish-shefi i laboratorit kriminalistik shkencor, ndërsa ish-shefja e Shërbimit Informativ Shtetëror Vlora Hyseni ndodhet në arrest shtëpie.
I vetmi që mundi të lërë qelinë është Embro Sulejmani, i cili ndihmonte Ergys Agasin gjatë kohës në arrati, duke i siguruar vende për strehim, etj. Ndaj Sulejmenit u caktuan masat e detyrimit për paraqitje dhe ndalim për të dalë jashtë vendit, për shkak se ka gruan shtatzënë dhe prindërit sëmurë.
