Jorida Tabaku rezultoi si kandidatja më e votuar në listë të hapur, me një diferencë prej rreth 2,000 votash nga Alimehmeti. Ajo nuk kërkoi rinumërim apo rishikim të tabelës së rezultateve paraprake. Megjithatë, Tabaku ishte e vëmendshme ndaj ankesave të kandidatit Besim Kuka, duke sinjalizuar se vota të tij ishin “vjedhur” dhe shkuar në emër të kandidatit Akil Kraja. Ky problem u bë dhe objekt debati në grupet e chat-it të PD për Tiranën.
Analiza e tabelës së rinumërimit të votave për Tabakun ka nxjerrë në pah disa anomali të rëndësishme. Grupet e rinumërimit i kanë hequr gabimisht vota në disa qendra votimi (QV):
- QV 1603: -10 vota
- QV 1762: -21 vota
- QV 1803: -19 vota
- QV 2077: -16 vota
Gjithashtu, në disa QV të tjera ka diferenca të vogla, ku dominojnë shifra si 1-6 vota. Por ajo që bie në sy janë diferencat më të mëdha në disa QV, ku votat e Tabakut ishin më shumë në numër krahasuar me rinumërimin:
- QV 1866: +10 vota
- QV 2004: +8 vota
- QV 2008: +9 vota
- QV 2009: +26 vota
- QV 2011: +16 vota
- QV 2014: +13, +11, dhe +7 vota në tre kuti të ndryshme
- QV 2022: +10 vota
- QV 2024: +13 vota
- QV 2025: +8 vota
- QV 2031: +7 vota
Në total, Jorida Tabakut nga rinumërimi i janë zbritur 250 vota.
Pavarësisht këtyre rezultateve, mbetet interesant fakti që Tabaku nuk i kushtoi vëmendje votave të saj të hedhura gabim, ndërsa u shqetësua për votat e Akil Krajës. A kanë këto anomali lidhje me presionet që ndoshta kanë përjetuar numëruesit? A janë përdorur numëruesit për tjetërsimin e votës preferenciale në qarkun e Tiranës? Të dhënat flasin qartë për vullnet të tjetërsuar te votuesve. Edhe pse rinumërimi nuk solli ndryshim rezultati ne numër deputetësh, ai nxorri në shesh “lakrat” e kandidatëve rivalë. Si dhe përplasjet me numëruesit. Për të cilët pakkush mendoi ti falenderojë siç duhet. Në mos i përdorën deri në pikën kur thanë:“Për një personalitet si unë, mund t’ja vlejë të bësh edhe burg!”
