Një zëdhënës i ushtrisë iraniane ka deklaruar se Teherani nuk do të ndryshojë qëndrimin e tij për kontrollin e Ngushticës së Hormuzit, pavarësisht përpjekjeve të Shteteve të Bashkuara për të garantuar kalimin e lirë të anijeve në këtë zonë strategjike detare.
“Ngushtica e Hormuzit nuk do të hapet përmes luftës, agresionit apo shkeljeve amerikane”, u shpreh zëdhënësi iranian për televizionin shtetëror, duke theksuar se respektimi i të drejtave të Iranit është, sipas tij, kushti i vetëm për zgjidhjen e situatës.
Tensionet mes Iranit dhe SHBA-së janë përshkallëzuar pas sulmeve ndaj anijeve cisternë në këtë rrugë ujore me rëndësi globale, ndërsa të dyja palët përplasen për ndikimin dhe kontrollin mbi të. Presidenti amerikan Donald Trump deklaroi se SHBA do të veprojë si “roje e Ngushticës së Hormuzit” dhe do të mbrojë anijet nga sulmet iraniane, në këmbim të një pagese për shërbimin.
