Victoria Beckham është kthyer papritur në një nga memet më virale të Kupës së Botës, jo për atë që bëri, por pikërisht për atë që nuk bëri.
Gjatë çerekfinales mes Anglisë dhe Norvegjisë, Jude Bellingham shënoi një gol spektakolar në minutat shtesë të pjesës së parë, duke çuar në delir tifozët anglezë. Në tribunë, bashkëshorti i saj David Beckham u hodh në këmbë duke festuar me entuziazëm, njësoj si fëmijët e tyre Romeo, Cruz dhe Harper.
Por Victoria Beckham qëndroi ulur, me një shprehje krejtësisht të qetë, sikur të mos kishte ndodhur asgjë. Pikërisht ky kontrast u bë viral në rrjetet sociale.
Pamjet e saj u shpërndanë me komente ironike. Një përdorues në X shkroi me sarkazëm: “Njerëzit shpesh e kritikojnë Victoria Beckham, por kjo shpërthim emocionesh pas golit të Anglisë tregon lidhjen e saj të thellë me futbollin dhe ekipin.”
Megjithatë, reagimi i saj nuk u prit negativisht. Përkundrazi, shumë përdorues e kthyen në një figurë kult, duke e vlerësuar qetësinë e saj. Njëri prej tyre shkroi: “Victoria Beckham është anglezja më e madhe që ka ekzistuar ndonjëherë.”
Vetë Victoria nuk ka reaguar për memet, por David Beckham e komentoi me humor, duke thënë se ajo “po festonte nga brenda”, duke e shoqëruar postimin me një emoji që qan nga të qeshurat.
