Qeveria britanike ka shpallur zyrtarisht Gardën Revolucionare Islamike të Iranit (IRGC) si kërcënim për sigurinë kombëtare të Mbretërisë së Bashkuar, në kuadër të zbatimit të Ligjit të ri për Sigurinë Kombëtare.
Ministrja e Brendshme, Shabana Mahmood, bëri të ditur se IRGC është organizata e parë që përcaktohet si kërcënim sipas legjislacionit të ri, i cili hyri në fuqi javën e kaluar.
Vendimi nënkupton se Garda Revolucionare është e ndaluar në territorin britanik dhe çdo person që vepron në emër të saj ose mbështet aktivitetet e saj mund të dënohet me deri në 14 vite burg.
Autoritetet britanike e kanë konsideruar prej kohësh IRGC-në si një strukturë me rol kyç në aktivitetet ushtarake dhe politike të Iranit, ndërsa masa e fundit synon forcimin e sigurisë kombëtare dhe luftën ndaj kërcënimeve të huaja.
