Argjentina do të përballet me Spanjën në finalen e Kupës së Botës 2026, më 19 korrik në “MetLife Stadium”, pasi mposhti Anglinë me rezultatin 2-1 në një gjysmëfinale dramatike.
Anglia kaloi në avantazh në minutën e 55-të, por nuk arriti ta menaxhonte epërsinë. Pas golit, skuadra angleze u tërhoq në mbrojtje, duke i dhënë më shumë hapësira Argjentinës për të kërkuar barazimin.
Presioni i “Albicelesteve” u shpërblye në minutën e 85-të, kur Enzo Fernandez riktheu baraspeshën. Vetëm pak minuta më vonë, në minutën e 91-të, sulmuesi i Interit, Lautaro Martinez, shënoi golin e përmbysjes, duke dërguar Argjentinën në finalen e madhe.
Në sfidën për trofeun, Argjentina do të përballet me Spanjën, e cila siguroi më herët një vend në finale pas fitores ndaj Francës.
Finalja e Botërorit 2026 do të zhvillohet më 19 korrik në “MetLife Stadium”, ku do të vendoset kampioni i ri i botës.
Ndërkohë që Anglia do të luajë minifinalen për vendin e tretë me Francën.
