Kryeministri Edi Rama vijoi pasditen e sotme sot me përmbylljen e fushatës elektorale në qytetin e Korçës. Ne fjalën e tij, Rama nuk la pa përmendur demokratin Ilir Vrenozi, të cilit pasi dështoi që ta përdorte për fushatë, sot u kërkoi falje korçarëve që u mor me të dhe që sipas tij e bëri protagonist i një shfaqje “porno politike”.
“E filloj me një ndjesë për të gjithë ju që e përkëdhela Ilir Vrenozin në momentin e gabuar. U fry dhe u bë protagonisti i një shfaqje porno politike në pallatin e Sportit. Ku besoj se këneta i dha gjithë korçarëve pse duhet tharë dhe nuk duhet votuar më kurrë nga Korça” – tha ai.
Ndonëse ka shumë ish-zyrtarë të qeverisë së tij në burg, Rama tha se ata që janë para drejtësisë nuk janë as sa gishtat e njerës dorë. Më tej tha se edhe sikur të jenë gjysmat, drejtësinë nuk e bëri Noc Roku por PS.
“E para e punës këta nuk dinë aritmetikë. Ne kemi patur 60 e kusur ministra dhe nuk janë sa gishtat e njerës dorë ata që kanë probleme me drejtësinë. Por edhe sikur të jenë gjysmat. Kush e solli këtë realitet të ri, Stamo Dumua apo Noc Rroku, e solli PS, e sollëm ne me vendosmërinë më të madhe” – tha Rama.
Ndërsa kreu i PD, Sali Berisha përmbylli fushatën në qytetin e Dibrës. Gjatë fjalës së tij, Berisha hodhi akuza sërish ndaj zëvendskryeministres Belind Balluku, ku tha se për të larë menderen e makinës së saj shpenzoi 10 milionë euro.
“Rama tani do të mbuloj vjedhjet e tij, të ministrave, të Lubisë, që për të larë menderen e makinës së saj shqezon 10 milion euro në muaj. Nuk kisha dëgjuar kurrë në jetën time” – tha Berisha.
Pavarësisht se bëri gjithçka që të rimar PD-në dhe nuk lëshoi radhën për një kryeministër më të ri, Berisha vazhdon të përsëris se nuk e do votën pushtetin e tij, pasi ambicjet e tij i ka mbyllur.
“Në këtë stad, në këtë moshë unë nuk kam ambicje pushteti. Gabojnë shumë ata që mund të mendojnë këtë. Jo. I kam bërë detyrat e mia unë” – tha Berisha.
