Shqipëria vijon të goditet nga një seri fatkeqësish natyrore që përsëriten çdo sezon, ndërsa mekanizmat mbrojtës dhe reagimi institucional mbeten ende të brishtë. Kjo është edhe kryeshtylla e denoncimit të bërë sot nga Ervin Resuli, president i Urdhrit Veterinar, i cili ngre shqetësimin se qytetarët shqiptarë po përballen të pambrojtur me pasojat e zjarreve, përmbytjeve dhe emergjencave të tjera që kthehen në cikël të përvitshëm.
Resuli kujton se vetëm pak muaj më parë vendi luftonte me flakët në zona të ndryshme, ndërsa sot shumë rajone janë nën ujë, duke lënë pas dëme të rënda në banesa, ekonomi familjare dhe infrastrukturë. “Pas disa muajsh do jemi nën borë. Dhe kështu me radhë. Një cikël stinor që na gjen gjithmonë të papërgatitur dhe të pambrojtur”, shprehet ai.
Sipas tij, rreziku për qytetarët nuk vjen vetëm nga natyra. Resuli përmend një sërë problematikash të tjera që, sipas tij, rëndojnë mbi sigurinë publike, përfshirë korrupsionin, kriminalitetin, tregtinë e substancave të rrezikshme, mangësitë në sigurinë ushqimore dhe riskun e sëmundjeve zoonotike që lidhen me mungesën e kontrollit dhe të monitorimit.
Ai thekson se institucionet shpesh kufizohen në deklarata dhe konferenca shtypi, ndërsa në terren mungojnë planet konkrete të reagimit, logjistika dhe transparenca. “’Shqipëria Europiane’ është ekselente në letër. Por në praktikë nuk ka një mekanizëm të fortë për parandalim, reagim dhe kompensim ndaj fatkeqësive. Vetëm improvizim, vetëm propagandë”, nënvizon Resuli.
Ndërkohë që shumë familje në zonat e përmbytura vijojnë betejën me ujin dhe dëmet që ai ka shkaktuar, Resuli apelon për përgjegjësi më të madhe institucionale dhe struktura funksionale që të mbrojnë qytetarët përpara, gjatë dhe pas emergjencave.
Në përfundim të deklaratës së tij, ai u shprehet solidaritet familjeve të prekura nga përmbytjet: “Zoti u dhëntë forcë të gjitha familjeve që sot po përballen me përmbytjet.”
Statusi
Ministria e Bujqësisë duhet të shkëputet njëherë e përgjithmonë nga ata që mbajnë peng këtë institucion me reforma të vjetruara, komuniste në një vend që synon integrimin europian në një sistem kapitalist. Ministri i ri duhet të shkëputet, e kundërta tregon qartë që do të jetë thjesht një zgjatim i Dhimos dhe Jaupllarit. Ne pritje…
Interesant mbetet fakti se pikërisht zonat elektorale dhe politike të dy zëvendësministrave dhe një deputeti janë më të goditurat nga përmbytjet. Aty ku demagogjia ka qenë ulur këmbëkryq prej vitesh, dhe ku është bërë çdo përpjekje që e vërteta të mos dalë në sipërfaqe me presione dhe pengesa, aty uji ka shtrirë sot ekspansionin e tij.
Për deputetin që shantazhonte, ushtronte presion dhe përpiqej të shtypte protestat e fermerëve ndër vite në qarkun e Fierit e të Beratit; për dy zv.Ministrat që kanë 8 vite në krye të Ministrisë së Bujqësisë – është e vështirë të kuptohet se si arrijnë t’u dalin përpara bashkëfshatarëve të tyre sot apo pse nuk e kan ndaluar permbytjet për 8 vjete ne ate ministri !
Ministri, para çdo gjëje tjetër, duhet të shkarkojë menjëherë të dy zëvendësministrat – si Zhukovi nga qielli – dhe më pas të negociojë me qeverinë krijimin e një fondi të posaçëm për dëmshpërblimet në bujqësi e blegtori. Vetëm kështu, pas tërheqjes së ujit, fermerët dhe blegtorët mund të vazhdojnë aktivitetin e tyre normalisht.
Nuk e di çfarë po gënjejnë në Bruksel për bujqësinë dhe blegtorinë sot zv. Ministri Jaupllari apo zv. Ministri Dhimo, të cilët prej 8 vitesh e kanë kthyer ministrinë në pronë private, duke u justifikuar se “i mban Rama” e “nuk i heq njeri”. Por ajo që dihet qartë është se kjo situatë ka ngelur peng i paaftësisë, interesave të ngushta dhe mungesës totale të përgjegjësisë institucionale.
Tani është momenti i së vërtetës...
Vazhdojm duke gënjyer Brukselin dhe veten apo ndryshojme faqen e sektorit.
