Pas vitesh pengmarrje dhe vegjetimi të Bibliotekës Kombëtare, qeveria ka shkarkuar Pirro Mishën si drejtor i Bibiliotekës Kombëtare. Vendimi u mor sot në mbledhjen e qeverisë.
Misha u emërua nga qeveria Rama drejtori i Bibliotekës Kombëtare në vitin 2019, ku zëvendësonte në këtë detyrë Persida Asllanin.
Mbetet për t’u parë se cili do jetë pasuesi i Mishës në postin e drejtorit të Bibliotekës Kombëtare.
V E N D I M PËR LIRIMIN NGA DETYRA TË DREJTORIT TË BIBLIOTEKËS KOMBËTARE
Në mbështetje të nenit 100 të Kushtetutës dhe të nenit 27, të ligjit nr.8576, datë 3.2.2000, “Për bibliotekat në Republikën e Shqipërisë”, me propozimin e ministrit të Turizmit, Kulturës dhe Sportit, Këshilli i Ministrave
V E N D O S I:
1. Z. Piro Misha, drejtor i Bibliotekës Kombëtare, lirohet nga kjo detyrë.
2. Ngarkohet Ministria e Turizmit, Kulturës dhe Sportit për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
