Ish-drejtuesi i Kadastrës së Fierit, Ertis Shehu, dhe biznesmeni Kastriot Hasko janë arrestuar me urdhër të Prokurorisë së Fierit, në kuadër të një hetimi për falsifikimin e dyshuar të dokumenteve të pronësisë në zonën e Semanit.
Urdhër-arrestet u ekzekutuan mbrëmjen e së mërkurës në Tiranë, pas disa muajsh hetime dhe verifikime nga organi i akuzës.
Çështja dyshohet se u referua në atë kohë edhe në SPAK, por ende nuk ka informacion zyrtar nëse Prokuroria e Posaçme nisi hetim apo çfarë vendimi mori për kallëzimin.
Paralelisht, hetimet u zhvilluan nga Prokuroria e Fierit, e cila pas verifikimeve urdhëroi arrestimin e Shehut dhe Haskos. Autoritetet po vijojnë punën për dokumentimin e plotë të rastit dhe përcaktimin e përgjegjësive të personave të përfshirë.
