Qytetarë janë mbledhur pasditen e kësaj të mërkure përpara Kryeministrisë në Tiranë, në prag të takimit mes kryeministrit Edi Rama dhe Presidentes së Komisionit Europian, Ursula von der Leyen.
Vizita e Von der Leyen në Tiranë zhvillohet në kuadër të turit të saj në vendet e Ballkanit Perëndimor, me fokus procesin e integrimit europian.
Sipas agjendës së bërë publike, Presidentja e Komisionit Europian pritet të mbërrijë në Kryeministri rreth orës 16:30, ku do të zhvillojë një takim me Ramën.
Pas takimit, rreth orës 17:30, Rama dhe Von der Leyen pritet të dalin në një konferencë të përbashkët për mediat.
Ndërkohë, tubimi përpara godinës së Kryeministrisë zhvillohet në të njëjtën kohë me vizitën e zyrtares së lartë europiane, ndërsa qytetarët kanë dalë me pankarta dhe mesazhe drejtuar qeverisë dhe Presidentes së Komisionit Europian.
