Kryetari në detyrë i bashkisë Tiranë Erion Veliaj, nga burgu i Durrësit ka reaguar një ditë para nisjes së fushatës për zgjedhjet e 11 majit. Në një postim në Facebook, Veliaj qan hallin se jashtë ka lënë tre gra pa burra dhe se do i mungojë fushata.
"Sot mbushen 2 muaj nga burgimi im pa gjyq - larg familjes, gruas, djalit të vogël dhe nënës. Por, edhe larg punës në bashki e fushatës, dy pasioneve të jetës sime.
Doja vetëm t’ju falenderoja për mirësinë e mbështetjen ndaj Kait dhe Ajolës, si dhe dy nënave tona - 3 gra pa burrat e tyre, por me kurajo e dinjitet falë jush që u jeni gjendur pranë!
Jam ende pa akuzë prej një anonimi që nuk ekziston. S’ka dalë askush që të kem korruptuar. Ende askush që të më ketë korruptuar. Kush më njeh e di që në çdo ditë të punës time kam ndihmuar këdo, kudo e kurdo me ndershmëri".
Kjo fushatë mund të ketë shumë mungesa, por fytyra dhe figura e Erion Veliaj besoj dhe mendoj se nuk do t'i mungojë askujt.
