Kryetari i PD, Sali Berisha, në prezantimin e kandidatëve për qarkun e Lezhës, tha se mediat e mëdha e censurojnë. Nuk dihet se për kë media e ka fjalën lideri i PD që nuk mungon në asnjë television apo portal, por ai tha se po përpiqen me çdo kush që t’ia ngushtojnë komunikimin.
“Ndaj, të trokasim tek çdo qytetar. Ne mediat e mëdha na censurojnë. TikTokun e ekzekutoi s ii ati Havzi Nelën. Përpiqet me çdo kusht të na e ngushtojë komunikimin. Por s’mund të na pengojë kush në botë të takojmë çdo lezhjane e lezhjan” - tha ai.
Berisha më tej tha se me ardhjen në pushtet të PD, projekti i Ballkanit të Hapur do të përfundojë “në kosh”.
Ndonëse ky projekt dështoi dhe nuk fitoi mbëshetje ndërkombëtare, qeveria e Edi Ramës ka pothuajse 2 vite që është larguar prej tij, Berisha ende zotohet se nuk do të zbatohet më.
“I garantoj fermerët e lezhës dhe gjithë Shqipërisë, për mbrojtje sezonale. Ballkani i Hapur në kosh përfundon. Asnjë ditë nuk do të zbatohet pas ardhjes në pushtet. Pas Ballkanit të hapur vendosën një taksë që s’e ka askush në botë” – u shpreh Berisha.
