Partia Demokratike ka shpallur zyrtarisht sloganin e saj për çeljen e fushatës elektorale për zgjedhjet parlamentare të 11 majit: “Eja drejt fitores”.
Përmes një videoje të publikuar në rrjetet sociale, lideri demokrat Sali Berisha ka bërë thirrje për pjesëmarrje masive në çeljen e fushatës, e cila do të mbahet më 11 prill, në orën 19:00, në sheshin “Nënë Tereza” në Tiranë.
“Në këtë moment vendimtar për të ardhmen e Shqipërisë, bashkohuni me Partinë Demokratike dhe Aleancën për Shqipërinë Madhështore për të nisur së bashku rrugëtimin drejt fitores”, thuhet në njoftimin e PD.
Sipas deklaratës, gjatë aktivitetit do të prezantohet edhe programi i demokratëve për qeverisjen e vendit, ndërsa qytetarët ftohen të marrin pjesë bashkë me miqtë dhe familjarët e tyre.
