Deputeti demokrat dhe kandidati në listën e mbyllur të Fierit, Luan Baçi i ftuar në A2 CNN, deklaroi se mazhoranca do të humbasë në zgjedhjet e 11 majit dhe kjo gjë shihet fare qartë në publik. Baçi gjithashtu shtoi se opozita në këto 12 vite është forcuar dhe është pastruar dhe nga njerëzit që ai i quajti të shitur.
“PD sot më shumë se kurrë është në një bashkëpunim të hapur me ndërkombëtarët. 12 vite në opozitë e kanë forcuar atë dhe është pastruar nga mbeturinat. Edhe lidershipi në atë kohë ishte i shitur” – tha Baçi.
Se sa e fortë do të jetë PD në këto zgjedhje e cila është e përçarë në disa parti kjo mbetet për t’u parë në zgjedhjet e 11 majit. Por nuk dihet se për çfarë “pastrami nga mbeturinat” e ka fjalën deputeti Baçi. Sepse përveçse disa figura po riciklohen në parti, disa të tjerë që u quajtën tradhëtarë gjatë përplasjes në PD u rikthyen, madje i kanë zënë edhe vendin në qarkun e tij.
