Vijon të thellohet skandali në Këshillin e Lartë të Prokurorisë.
25 magjistratë të cilët janë diplomuar më datë 29 qershor dhe kësisoj kanë ndërprerë marrëdhënien me Shkollën e Magjistraturës nuk janë emëruar në sistemin e prokurorisë. Për rrjedhojë magjistratët nuk trajtohen as me pagë dhe pas emërimit do të duhet t’i drejtohej gjykatës për ta fituar këtë të drejtë.
Zyrtarisht Këshilli thotë se po kryen verifikimin e magjistratëve, ngjashëm me vettingun, proces që do të duhej ta kishte përfunduar me kohë, përderisa sistemi vuan nga mungesat e prokurorëve.
Për shkak të procesit të vettingut, dhjetëra prokurorë u shkarkuan nga detyra, ndaj sistemi ka vakanca të theksuara dhe mbingarkesë të prokurorëve.
