Prej gjashtë muajsh, në Gjykatën e Posaçme po zhvillohen seanca për çështjen “Partizani”, ku ish-kryeministri Sali Berisha dhe dhëndri i tij Jamarbër Malltezi akuzohen për korrupsion.
Mbrojtja kërkon pushimin e çështjes dhe shpalljen e pavlefshmërisë së akteve hetimore, duke argumentuar mungesën e elementëve të veprës penale dhe pavlefshmërinë e ekspertimeve, të cilat janë kryer nga hetues të Byrosë Kombëtare e jo nga ekspertë të specializuar.
Po ashtu, ata kundërshtojnë provat për ndryshimin e destinacionit të kompleksit “Partizani”, duke pretenduar se vendimi është marrë nga kryeministri aktual Edi Rama, i cili sipas tyre nuk është pyetur ende nga autoritetet.
