Gjatë një turi elektoral në Tregun Artizanal të Krujës, kreu i Partisë Demokratike, Sali Berisha, u përball me kritika nga një ish i burgosur politik, Gëzim Përhana. Ky i fundit e akuzoi Berishën për mosmbajtjen e premtimeve gjatë qeverisjeve të tij, lidhur me kompensimin e të përndjekurve politikë. Përhana tha se pavarësisht premtimeve, nuk janë shlyer plotësisht dëmet e vuajtura, duke përmendur vetëm dhënien e letrave me vlerë dhe bonove të thesarit. Berisha u përpoq të justifikohej, duke theksuar disa masa të marra gjatë qeverisjes së tij, por mbeti i befasuar nga kritikat. Debati Jam i burgosur politik për 13 vite. Në qeverisjen tuaj të parë thatë se do dëmshpërbleni të përndjekurit dhe të burgosurit politikë. Kemi vuajtur në Qafë-Bari e Spaç, në miniera kromi e të tjera. Të paktën të ishte bërë 50% se të gjitha nuk i bënit dot, por të paktën gjysmat... Por nuk janë shlyer të gjitha”, i tha ai Berishës, që u kap i befasuar nga kjo kritikë për qeverisjen e tij, pak pasi akuzoi mazhorancën aktuale për rrënimin e vendit dhe mosmbajtjen e premtimeve. Kreu i PD-së u përpoq t'a sqaronte duke thënë se ishin dhënë mbi 2 mijë banesa për të burgosurit politikë dhe të përndjekurit dhe ishin dëmshpërblyer, edhe pse jo plotësisht. Por ndërsa ai shpjegonte se çfarë ishte bërë në 2005-2013, ish i burgosuri politik i kujtoi edhe qeverisjen e parë, kur u dhanë vetëm letra me vlerë apo bono thesari. “Asgjë nuk kanë marrë o burrë, asgjë...!”, vijon qytetari.
