Novak Djokovic mbërrin në US Open me një objektiv që mund ta vendosë i vetëm në majën e historisë së tenisit.
Serbi ka fituar 24 tituj Grand Slam dhe një triumf tjetër do ta çonte në kuotën 25, më shumë se çdo tenist tjetër, mashkull apo femër, në historinë e turneve major.
Në moshën 39-vjeçare, Djokovic vazhdon të konkurrojë në nivelin më të lartë, pavarësisht se vitet e fundit janë shfaqur vazhdimisht pyetje se kur do të vendosë t’i japë fund karrierës.
Vetë serbi ka dhënë një përgjigje të thjeshtë: për sa kohë arrin të konkurrojë me më të mirët dhe beson se mund të fitojë turnetë më të mëdha, nuk sheh arsye për t’u larguar.
Sfida është bërë më e vështirë nga brezi i ri, me Carlos Alcaraz dhe Jannik Sinner që kanë marrë kontrollin e një pjese të madhe të turneve kryesore.
Por Grand Slam-et mbeten motivimi më i madh i Djokovic.
Një titull i 25-të në New York do të kishte peshë të veçantë, sepse do ta shkëpuste nga Margaret Court, me të cilën ndan rekordin prej 24 titujsh major.
