Dy ditë më parë Presidenti i Republikës dekretoi shkarkimin e përfaqësueses të Shqipërisë në UNESCO, Besiana Kadare. Ky lajm qarkulloi në heshtje si një vendim normal. Por sipas aktivistit Andi Tepelena, e vërteta është se Besiana Kadarenë e shkarkoi vetë UNESCO.
Në një status në rrjetin social "Facebook", Tepelena shkruan se Kadare nuk iu përgjigj kërkesës së llogarisë për shkeljet e standardeve UNESCO në liqenin e Ohrit-pjesa shqiptare, kryesisht Tushemisht.
Sipas tij, "nën modelin e konçesioni korruptiv të parkut të Butrintit, po ndiqet e e njëjta metodologji dhe në Tushemisht; bërja biznes privat nga AADF në shkelje të standarteve UNESCO, Kushtetutës së Shqipërisë, ligjit për trashëgiminë kulturore/natyrore".
