Mesfushori portugez Bernardo Silva duket se është shumë pranë transferimit te Real Madridi, teksa raportimet e fundit sugjerojnë se lojtari ka përfunduar tashmë testet mjekësore përpara zyrtarizimit të marrëveshjes.
Pas afrimeve të Denzel Dumfries dhe Ibrahima Konate, “Los Blancos” janë gati të finalizojnë edhe një tjetër goditje të rëndësishme në merkaton e verës.
Sipas gazetarit të ESPN, Rodra, Bernardo Silva, i cili është lojtar i lirë, ka kaluar me sukses vizitat mjekësore dhe ka arritur një marrëveshje të plotë me klubin madrilen.
Raportohet se ish-ylli i Manchester Cityt ka pranuar një ulje të ndjeshme të pagës për të firmosur një kontratë dyvjeçare me Real Madridin, e cila përfshin edhe opsionin për zgjatje me një sezon tjetër.
Një rol vendimtar në përshpejtimin e negociatave thuhet se ka luajtur Jose Mourinho. Trajneri portugez ka insistuar për afrimin e bashkëkombësit të tij, duke ndikuar në vendimin e klubit për të mbyllur marrëveshjen, pavarësisht interesimit të shfaqur nga Barcelona dhe Atletico Madridi.
