E ardhmja e Julian Alvarez vijon të mbetet një nga çështjet më të diskutuara të merkatos së verës, teksa sulmuesi argjentinas duket se ka bërë tashmë zgjedhjen e tij.
Sipas raportimeve të TEAMtalk, ylli i Atletico Madridit ka Barcelonën si destinacionin e preferuar, pavarësisht ofertës marramendëse prej 150 milionë eurosh të paraqitur nga Real Madridi për transferimin e tij.
Raporti thekson se 26-vjeçari ua ka bërë të qartë dy gjigantëve spanjollë se prioriteti i tij mbetet një kalim në “Camp Nou”, duke mos ndryshuar qëndrim as pas ofensivës së rivalëve madrilenë.
Megjithatë, realizimi i një transferimi të tillë mbetet i ndërlikuar. Atletico Madridi nuk ka ndërmend të heqë dorë lehtësisht nga një prej lojtarëve më të rëndësishëm të projektit të tij sportiv, ndërsa oferta e Real Madridit ka rritur ndjeshëm vlerën e mundshme të operacionit.
Ndërkohë, gara për shërbimet e argjentinasit nuk kufizohet vetëm në Spanjë. Arsenal dhe Paris Saint Germain po ndjekin nga afër zhvillimet, edhe pse qëndrimi i Atleticos dhe interesimi i dy rivalëve të mëdhenj spanjollë e bëjnë transferimin jashtëzakonisht të vështirë.
