Në një intervistë në News24, kreu i Partisë Demokratike Sali Berisha premtoi se do të reformojë SPAK-un dhe si problem kryesor përmendi përgjimet e gjykatësve. Sipas tij vetëm gjykata mund të autorizojë përgjime telefonike, elektronike dhe ambientale kur ato janë të nevojshme për hetimet.
Për kreun e PD kjo do të jetë një ndër nismat e para nesër në qeverisje e cila do nisë me reformimin e SPAK, me ndihmën edhe të Komisionit të Venecias.
"Në gjithë kompetencat që ka SPAK, njëra është antikushtetuese dhe është përgjimi i gjykatësve me të cilët kjo prokurori çon dosjet. Kjo është një diktaturë policeske dhe asgjësim i sistemit. Asnjë ngushtim për sa i takon luftës kundër korrupsionit dhe krimit të organizuar. Pastrim I atyre që flejnë mbi dosjet e krimit. Asnjë proces politik nuk do ketë gjatë qeverisjes së PD. Këto reforma do të bëhen me ndihmën e Komisionit të Venecias. Jetike reforma më ndihmën e Komisionit të Venecias. Dialogu Bushka –Llagami, çfarë pazaresh me puro bënin zonjat për postet në Gjykatë Kushtetuese?!"- deklaroi Berisha duke përjashtuar edhe një herë kriteret joligjore në drejtësi.
