Kryetari i Partisë Demokratike, Sali Berisha, ishte në Vlorë ku prezantoi kandidatët për deputetë për zgjedhjet e 11 majit.
Në fjalën e tij, Berisha foli për ujin që duan t’ua marrin fshatrave për t’i çuar në Dhërmi, por që nuk përmendi asnjë nga oligarkët e rësorteve që janë përfitues.
“Shihni cfarë bëjnë janë 36 fshatra në lumin e Vlorës dhe përreth dhe shkojnë ua marrin ujin, paralajmëroj Edi Ramën hiq dorë në mënyrë absolute sdo marrës asnjë litër ujë. Do të dërgosh ujë në Dhërmi, derdhen në det” – tha Berisha.
Kreu i PD hodhi akuza në drejtim të ministres së Infrastrukturës dhe Energjisë, Belinda Balluku duke thënë se “mori 50 milionë euro me tunelin”. Ai gjithashtu tha se kur të kthehet në pushtet do të rikthejë qarkullimin në qafën e Llogarasë.
“A e dini ju që me tunelin Llogarasë ja mbylli sytë qafës më të bukur që ka Shqipëria, që hapet pamja më madhështore e detit, për të marrë 50-60 mln euro me Lubi Ballukun dhe tani ndërton rrugën për ti falimentuar të gjitha bizneset e parkut të Llogarasë. I garantoj ata se ajo do korrigjohet”, tha kryedemokrati.
