Sali Berisha ka garantuar sot se asnjë nga partitë aleate nuk do të kalojë me Edi Ramën pas zgjedhjeve.
Gjatë një sesioni pyetje-përgjigje, një qytetar e pyeti kryetarin e PD-së për qëndrimin e Shpëtim Idrizit dhe rrezikun që ai të kalojë me PS, siç ka ndodhur më herët.
“Tani këto partitë e vogla e kanë fleksibilitetin e tyre.
PDIU ka qenë aleate e PD-së, ka pasur një moment që ka kaluar me PS. Por këto janë gjëra të zakonshme në politikë. Por këtë herë janë 100% besnike të PD-së,” siguroi kryetari demokrat lidhur me aleancën dhe vendin e sigurt të një deputeti të PDIU në listat e PD.
