Kryeministri Edi Rama mbledh sot në orën 14:00 qeverinë, kryesinë e Partisë Socialiste dhe drejtuesit politikë të qarqeve në Pallatin e Brigadave në prag të fushatës elektorale për zgjedhjet e 11 Majit.
Diskutimet do të fokusohen te strategjia për sigurimin e një mandati të katërt për PS-në, vota e diasporës dhe finalizimi i listave të kandidatëve për 12 qarqet, që duhet dorëzuar në KQZ deri më 12 mars. Deri tani, 365,166 emigrantë shqiptarë kanë aplikuar për të votuar nga jashtë, ndërsa KQZ ka përpunuar mbi 234 mijë kërkesa. Pritet që diaspora të përbëjë rreth 15% të votuesve më 11 maj.
Takimi do të zhvillohet me dyer të mbyllura dhe pritet të përcaktojë linjat kryesore të strategjisë elektorale të PS-së.
